മഹാമാരിയുടെ മറ്റൊരു മുഖം

മുൻപേ തന്നെ ഒരു വലിയ മഹാമാരി മനുഷ്യനെ പിടികൂടിയിരുന്നു.
കൊറോണയുടെ അധിനിവേശം തുടങ്ങും മുൻപ്.
നിപ്പയും എയ്ഡ്‌സും പ്ലേഗുമൊക്കെ വന്നടുക്കും മുൻപ്.
കൃത്യമായി പറഞ്ഞാൽ...
മനുഷ്യമനസ്സിൻ്റെ ഉള്ളിൽ സ്വാർത്ഥത കൊടികുത്തിയത് എന്നാണോ, അന്നു മുതൽ.

ആ മഹാമാരിക്ക് ആരും തന്നെ അമിത പ്രാധാന്യം നൽകിയില്ല.
ഒരു ചാനലിലും സ്ഥിരചർച്ച നടത്തിയുമില്ല.
നെടുവീർപ്പുകളിലും വായാടിത്തങ്ങളിലും ഒതുക്കി, വിസ്മൃതിയിലേക്ക് ഒഴുക്കിക്കൊണ്ടേയിരുന്നു.
കാരണം..
ഒരു പ്രമുഖനും ആ മഹാമാരിക്ക് ഇരയായി മരണമടഞ്ഞില്ല.

അന്നും ഇന്നും ലോകത്ത് തുടർന്നു കൊണ്ടേയിരിക്കുന്നുമുണ്ട്..
ആ മഹാമാരിയുടെ കോമരത്തുള്ളലുകൾ.

എല്ലാറ്റിനെയും പോലെ ആ മഹാമാരിയെയും നമ്മൾ പേരിട്ടു വിളിച്ചു...
മൂന്നക്ഷരങ്ങളാലൊതുക്കി

"പട്ടിണി"

       

 ✒️മർവാൻ റിയാസ്