വേട്ടക്കാരൻ

നമ്മ അങ്ങിനെയാണ്, സ്ത്രീലമ്പടൻ എന്നൊക്കെ അസൂയാക്കാൾ നമ്മളെക്കുറിച്ച് പറയാറുണ്ട്. സത്യത്തോട് നീതിപുലർത്താതെ നമ്മ അതൊക്കെ പാടെ അവഗണിക്കും. ഒരിക്കൽ ഇന്റർവ്യൂക്കിടയിൽ ചോദ്യകർത്താവ് പരസ്ത്രീ ബന്ധം മറ്റുള്ളവർ ആരോപിക്കുന്നുണ്ടല്ലോ എന്നന്വേഷിച്ചപ്പോൾ നമ്മ ആരോപിതരുടെ അമ്മക്കിട്ടൊന്നു താങ്ങി. ഇപ്പോൾ നമ്മ അമ്മയുടെ അമരത്താണ്. നമ്മക്കിഷ്ടമുള്ളവരുടെ വാ അടപ്പിക്കാനും ഇഷ്ടമില്ലാത്ത അച്ചി തൊട്ടതെല്ലാം കുറ്റം എന്ന് വരുത്തിത്തീർക്കാനും നമ്മക്കിന്ന് കഴിയും. അതിനുള്ള മണി പവറും മസിൽ പവറും അധികാര പവറും നമ്മക്കിന്നുണ്ട്. ഇരയെക്കാൾ വേട്ടക്കാരനോടാണ് നമ്മക്ക് കൂറ്. അതുകൊണ്ടാണ് നെറിക്കേടിനൊക്കെ നമ്മ കൂട്ടു നിൽക്കുന്നത്. ലവനേ തിരിച്ചെടുത്താൽ ആകാശം ഇടിഞ്ഞു വീഴിലല്ലോ? വിരലിൽ എണ്ണാവുന്ന താരകങ്ങൾ കൊഴിഞ്ഞു പോയത് നമ്മ കാര്യമാക്കുന്നില്ല. അവളുമാരെ നമ്മ ഒരു പാഠം പഠിപ്പിക്കും. കാര്യസ്ഥൻ നമ്മടെ കൂടെയുണ്ട്.